كابوس 2.0 نسخة لأصحاب القلوب الضعيفة

لبارح في لحضة يأس جاني عفريت قلي شبيك ولدي قتلوا بلادي ماشية في هاوية ومنعرفش شنعمل راني ضعت وحرت .قلي لا تيأس هاني هوني تمنى أمنية قتلوا تحكي بجدك ؟؟ قلي وي نحكي بجدي مستانس نفدلك معاك ؟؟ قتلوا باهي يا سي العفريت نتمنى نعمل قفزة لمستقبل تونس قالي متأكد يا ولدي قتلوا وي بالطبيعة متأكد مانيش نلعب قالي لك ما شئت أما رد بالك يا ولدي قتلو...ا تهنى عاد بعد برهة نلقى روحي في مستقبل تونس الشارع كلو جيش وبوليس إلي يتعدى يتفركس ويتعرى والناس لكل تزرب في المشية متاعها مش كيما قبل يتبخترو في الطريق الناس لكل تجري هذا ماشي للخدمة لاخر مزروب يشري في الخبز باش يروح حاصيلو القهاوي مسكرة المطاعم كيف كيف ...عاد واحد شفتو يجري خلطت عليه قتلو يا ولد الناس شفما عيشك شبيكم تجريو تقول وراكم كلاب .. قالي وين عايش ياخي صحة النوم قتلوا يا ولدي احكيلي شفمة راني باش ندوخ قالي مفم شي اخدم على روحك وسكر فمك قتلوا عجب تي احكيلي شبيكم لكل وجوهكم صفر تقول شكارة كركم شبيكم خايفين قلي شي يخوف صاحبي قتلوا لا مبعد الثورة حتى شي ما يخوف كان ربي قالي سكت فمك شنية ثورة لعنة الله عليك انتي والثورة قتلوا عجب تطلعشي ر سي دي من التجمع قالي يا حسرة على التجمع طلع هو إلي كان محافض على أمن البلاد قتلوا فاش تخرف رانا عملنا ثورة عليهم وماتوا شهداء قالي لعنة الله عليك وعلى الشهداء ما رينا منهم كان المصايب عاد عرفت روحي ما عندي وين نوصل مع الرجل هذا قلت لزم خرف مسكين مشيت للحبيب بورقيبة نلقى الشارع لكل صور مرجان ياخي قلت عجب السارق هذا التصاور متاعو في تونس ؟؟ سبحان الله مغير الأحوال مازلت ما كملتش الكلمة يجني داودي على خدي شفت به نار جهنم درة نشوف في رجل يضهرلي بوليس سياسي قتلوا علاش تضرب فيا قالي كفاش تقول على منقذ تونس ورئيس تونس سارق قالي انتي مخرب وماكش وطني عاد طلعلي العصب ونحيت الساك من فوق ضهري وقمت نعيط مرجان سارق مرجان سارق أنا نقول فيها وكمشة رجل يهبطوا عليا بالكف والمشطة عاد مبعد فقت نلقى روحي رجعت لزمن العادي مشيت للحبيب بورقيبة نعيط ونصيح يا ناس فيقو يا ناس الثورة تسرقت عاد جاوني كمشة عباد قالولي يزي بلا فتنة باش تدخل البلاد في حيط خلي الحكومة تخدم على روحها والبلاد تاقف على ساقيها