كابوس

الرجاء من الناس الرقيقة المشاعرالرهيفة الاحاسيس عدم قراءة هذه التدوينة فهي تحتوي على عبارات نابية و الفاظ سوقية و منافية للحياء و من انذر فقد اعذر

   لبارح حلمت بروحي قابلت ربي قالي يا عبد تمنى حاجة قتلوا يا ربي نحب نعمل طلة على مستقبل تونس قالي متأكد ؟؟ قتلوا وي متأكد قلي راك باش تتحمل مسؤلية إلي باش تشوفو قتلوا وي المهم نشوف عاد لقيت روحي في مستقبل تونس الناس لكل خايفة ومرعوبة وحد ما يحل فمو صفحات الفايسبوك مسنسرة تونس 7 تكذب على الناس البوليس السياسي في كل بلاصة حالة الطوارئ مازالت عاد مشيت نحكي مع رجل كهل قتلوا يا بابا شنية صاير شبيكم ويني الثورة شبيكم نسيتو الشهداء قالي لعنة الله عليك يا مخرب مازلت تحكي بيها الثورة مبعد إلي صار لكل وقالي الله لا ترحمهم الشهداء ما رينا منهم كان المصايب قتلو علاش تحكي هكا اتقي مولاك يا بابا قالي نحكي هكا ونصف بلع فمك اخدم وأسكت عاد بهتت أنا مشيت للافينو بورقيبة نلقى تصاور مرجان وفريعة في كل بلاصة عاد مشيت نحكي مع واحد قتلوا راهو مرجان عميل ومجرم وسارق علاشلت  حاطين التصاور متاعو قالي أسكت نيك أمك هذاك سيدك هو إلي أنقذ تونس وهو رئيسنا عليك كان تخدم وتسكر فمك عاد قعدت في قهوة  نتفرج في القناة المرجانية على محاكمة شعبية للغنوشي والمرزوقي والهمامي قلتلهم علاش هكا مساكن هذوكم شرفاء  مازلت مكملتش الكلمة يجيني داودي نلقى روحي رجعت لعام 2011 طحت نبكي ونعيط  يا ناس فيقو يا ناس فيقو يخي تلمو بيا عباد قالولي يزي بلا فتنة باش تدخل البلاد في حيط خلي الحكومة تخدم على روحها والبلاد تقف على ساقيها..........؟؟