حلمة صعيب تتحقق

عاد خليني نكمللكم حكايتي مع العفريت مبعد الزيارة متع المستقبل ومبعد ما رجعت للحاضر حزين عاود جاني العفريت قالي شبيك ؟؟ قتلو حسب رايك شبيني ماو نحس في روحي عاجز قدام إلي صاير والمشكلة اني نعرف مستقبل البلاد ومازلت منعرفش شنعمل باش الناس تصدق قالي عندكش أمنية أخرى تحبها تتحقق قتلوا نعم عندي نحب الأغلبية الصامتة متع البلاد داخلا في حيط ت...سكت وتخالينا نكملو الثورة يعمل هكا وجماعة المنزه والمنار والأغلبية الصامتة الكل حطهم في قفص وقالي هاو معادش بش يتكلموا قتلوا باهي يرحم بوك يا عفريت توا نحب نشوف مستقبل البلاد من غير الأشكال هاذم قالي راك كثرت عليا بالطلبات متاعك لكن لك ما شئت عاد كي العادة دخلت في داومة ولقيت روحي في المستقبل ندور في شوارع تونس قلت في نفسي ما شاء الله !!! الشوارع كلها نور الناس الكل فرحانة علمانين واسلامين مع بعضهم في القهاوي والمطاعم الناس كل حرة إلي لابس دجين وللبس جبة إلي لابسة حجاب ولي لابسة تنورة مشيت نعمل في طلة على التلفزة لقيت التلفزة الوطنية تبدلت ولات تقول في الحقيقة ومعادش تستبله الناس حنبعل ولات ملك الشعب مبعد ما الباعث متاعها مشى للحبس حسيت روحي نحلم قلت نعمل دورا في الفايسبوك نلقى الصفحات لكل محلولة ومعدش حجب المعلومة حبيت نعرف شكون الرئيس لقيت نضام برلماني أقوى الأحزاب هي إلي تحكم وعاملة تحالف نسبة البطالة نقصت معدش القهاوي معبية كيما قبل القصبة ولات ساحة عامة الناس لكل تمشي تعبر عن رأيها غادي بكيت من الفرحة قلت هاي بلادي كفاش نحبها تكون حرية ديمقراطية وسلطة للشعب البوليس ولا في خدمة الشعب ومعادش يضرب القضاء مستقل عبد السلام جراد خرج من إتحاد التونسي للشغل فرحة ببلادي كي ريتها ورجعت لزمن الحاضر مشيت للافينو نعيط الثورة نجحت الثورة نجحت ياخي جاني واحد قالي تحلم إنت مع
الأغلبية الصامتة أقرصني كان تنجح