حلمة

لبارح حلمت اللي أنا قابلت ربي ...صدفة راهو مغير موعد ومازلت ممتش وموفاتش الدنيا
أنا قاعدة ياخي جاني قالي سناء أطلب حاجة تو نحققهالك ياخي قتلو نحب الوقت يرجع لتالي: ل20سبتمبر2010 (وماتقولوليش علاش منيش مش نقول :p)
وسبحان الله على كل شيء قدير فعلا اللي قلت عليه صار
نلقى روحي في "تونس بن علي" مجددا . أما كان أنا فيبالي بيها حكاية 14جانفي وا...لثورة ..الناس الكل عايشين وكأن شيئا لم يكن ولن يكون
نحل التلفزة نلقى تونس 7 تكذب عالمواطنين
نحل الفايسبوك نلقى باجات مصنصرة

نجي نحكي مع العباد نلقاهم خايفين

قالوا فلان وقفوه..فلان اغتصبوه..فلان ضربوه

قلتلهم أخرجوا للشارع سمعوا أصواتكم عبروا

قالوا "مخربين "تحبوا تهلكوا البلاد "مأجورين" يعطيو فيكم في الفلوس باش تزعزعوا الأمن والاستقرار

قلتلهم ويني الأحزاب؟ ويني النقابات؟ ويني الجمعيات؟

قالوا بن علي سيدك اطيعوا وتسكر فمك
قلتلهم ياولادي فيييقوا!!!!رانا عملنا ثورة ...البوعزيزي حرق روحو..ماتوا شهداء!!!

قاموا يضحكوا عليا
رصاتلي نعيط في الأفنو "بن علي هرب...بن علي هرب" وهو مزال موجود!!!

باللاهي موش كايننا الكل نحلموا؟

ثورة؟؟؟هههههه
مشكورة سناء الزواغي على هذا المقال